Ngjarje

Vizitë e ambasadorit të SHBA, z. Donald Lu dhe bashkëshortes së tij në Bibliotekën Kombëtare


Më 17 mars Ambasadori Donald Lu dhe bashkëshortja e tij Dr. Ariel Ahart vizituan Këndin Amerikan në Tiranë. Ambasadori, Dr. Ahart dhe Shefja e Zyrës së Marrëdhënieve me Publikun Znj. Valerie O'Brien u takuan me Drejtoreshën e Bibliotekës Kombëtare Znj. Persida Asllani e cila u foli për sfidat që bibliotekat publike përballen këto ditë, si dhe e falënderoi Ambasadorin për hapjen e Këndit Amerikane në Bibliotekën Kombëtare. Pas këtij takimi Ambasadori vizitoi Këndin Amerikan dhe u takua me një grup nxënësish nga Shkolla Wilson në Tiranë. Ambasadori Lu dhe Dr. Ahart u lexuan femijëve disa tregime të shkurtra amerikane si psh: Where the Wild Things Are, There is no such a thing as a Dragon, Zen Shorts, Of Thee I Sing, një libër i shkruar nga Presidenti Obama. Dr. Ahart dhe Ambasadori Lu i përgëzuan fëmijët në lidhje me aftësitë e tyre në gjuhën angleze dhe për njohurinë që kishin rreth historisë amerikane. Ambasadori dhe bashkëshortja e tij patën një bisedë të këndshme me nxënësit rreth librave për fëmijë, vende për të vizituar në Tiranë dhe gjithashtu i pyetën fëmijët për këshilla se si ai dhe gruaja e tij të mësonin sa më mirë gjuhën shqipe.