Ngjarje

Aktivitet kushtuar “Javës së Europës” në BKSH përmes prezantimit të librit “Europë Ik e Ja” të Majlinda Bregut
11 maj 2015


Në kuadër të Javës së Europës, me praninë e Ambasadores së BE-së në Shqipëri znj. Romana Vlahutin, Biblioteka Kombëtare dhe UET- Press ndërmorën një refleksion dhe bashkëbisedim kushtuar sfidës europiane të botës shqiptare përmes prezantimit të librit “Europë Ik e Ja” me autore Majlinda Bregu, kryetare e Komisionit Parlamentar të Integrimit dhe ish-ministre e Integrimit. Në prani të shumë të ftuarve nga jeta politike e parlamentare e vendit, si edhe nga trupi diplomatik i akredituar në Tiranë, zonja Vlahutin shprehu vlerësimin e saj për pyetsimin e vazhdueshëm që do të duhej të karakterizonte jetën politike dhe shoqërinë shqiptare.

Për autoren, zonjën Bregu, libri, njëheri me natyrë politike, sociologjike dhe publicistike, parashtronte zanafillën dhe sfidën për një analizë të kujdesshme mbi marrëdhënien dhe qasjen e Shqipërisë ndaj Europës dhe europianzimit.