Ngjarje

Prezantim i librit “Epoka Kadare” në 81-vjetorin e lindjes së shkrimtarit

28 janar 2017




Të shtunën, më 28 janar, në ditën e lindjes së Ismail Kadaresë, Biblioteka Kombëtare dhe “Botimpex” ftuan lexues, studiues, shkrimtarë dhe botues në një paradite kremtuese rreth librit „Epoka Kadare“ të regjisores Nadire Buzo, i cili përmbyll punën e nisur gjatë „Vitit kulturor Ismail Kadare“ mbi dokumentarin „Emblema Kadare”, film që qëndron në zanafillë të këtij libri.

Gjatë veprimtarisë folën drejtorja e bibliotekës Prof. Persida Asllani, i ftuari special studiuesi e poeti Sadik Bejko, autorja Nadire Buzo dhe pjesëmarrës të tjerë. Për të pranishmit u shfaqën edhe fragmente të përzgjedhura nga dokumetari i realizuar gjati „vitit kulturor – Ismail Kadare“. Duke i parë të lidhura në krijimtarionë dhe kontributin e autorës të dyja këto pamje, prof. Persida Asllani u shpreh se “libri i Nadire Buzos është një marrëdhënie mes leximit dhe pasionit të saj, por dhe punës regjisoriale”.

Autorja Nadire Buzo kujtoi me dashuri e respekt intervistatme autorë, regjisorë e artistë të njohur, të cilët nga optika e krijimtarisë së tyre sjellin këndvështrime speciale për Ismail Kadarenë. “Ne kemi një detyrim moral të jashtëzakonshëm karshi këtij njeriu të madhe që ngriti emrin e Shqipërisë dhe na dha një kënaqësi të madhe” tha ajo. Në librin “Epoka Kadare” autorë, studiues dhe kritikë të njohur në esetë dhe intervistat e tyre kanë krijuar një imazh të plotë për shkrimtarin dhe veprën e tij, ku janë intervistuar Valter Memisha, Persida Asllani, Matteo Mandalà-arbëresh, piktori Gazmend Leka, regjisori Rikard Ljarja, poeti Sadik Bejko, e shumë të tjerë.

Për librin foli edhe poeti e studiuesi Sadik Bejko. “Ky libër e dëshmon dashurinë, vlerësimin dhe interesimin e shtrirë në të gjitha moshat për shkrimtarin e madh” sqaroi ai, duke u ndalur në mënyrë më të vceçabnte te disa prej intervistave më tëheqëse të librit, si ato të Prof. Xhevat Lloshit, Matteo Mandalasë, Gazmend Lekës etj.

Epokat që përshkojnë librat e shkrimtarit universal Ismail Kadare, janë periudha të gjata historike, me ngjarje të mëdha e tipare të veçanta që kanë bërë kthesa të rëndësishme në jetën e kombeve dhe popujve, ndryshime kufijsh, sistemesh, luftëra të përgjakshme, rënie e ngritje, zhvillime të rëndësishme dhe fatale. Ndërsa Epoka Kadare është një kthesë e rëndësishme në letërsinë tonë është një vlerë e madhe në jetët tona dhe jehonën e gjatë në epokat që do të vijnë pas.