Ngjarje

Ambasadori Donald Lu u lexon fëmijëve në Bibliotekën Kombëtare

9 nëntor 2017



Ambasadori i SHBA-ve në Tiranë, amerikan Donald Lu së bashku me drejtoreshën Persida Asllani u lexojnë fëmijëve libra nga “biblioteka fëminore”. Në këtë takim me miqtë e vegjël të librit, zhvilluar në Bibliotekën Kombëtare ditën e enjte më datë 9 nëntor, Ambasadori Lu i ftoi fëmijët të zbulojnë së bashku përmes leximit botën magjike të “Haroldit me lapsin e purpurt”. Ndërkohë, drejtoresha Asllani ndau me fëmijët grimca të jetës së shkrimtares Musine Kokalari, përmes leximit të disa pjesëve nga botimi më i fundit i serisë për fëmijë “Mua më quajnë...”, që i kushtohet shkrimtares së parë shqiptare. Takimi me fëmijët e vegjël u shoqërua edhe me një bashkëbisedim miqësor me Ambasadorin Lu dhe drejtoreshën Asllani.

Sa bukur është të lexosh e të takohesh për një libër! Por edhe më bukur kur librat fëmijëve ua lexojnë prindërit! Do të takohemi sërish …