Ngjarje

Konferenca “Nga Big Bang-u te universi ynë sot” në Bibliotekën Kombëtare

11 Tetor 2018



Pedagogë, studentë dhe të pasionuar frankofonë të astrofizikës dhe botës së yjeve ndoqën të mërkurën pasdite, më datë 11 tetor, në Sallën Franceze të Leximit në Bibliotekën Kombëtare të Shqipërisë, konferencën e studiuesve të Qendrës Kombëtare Franceze të Kërkimit Shkencore, Ludëik Dobrzynski dhe Daniel Denigri, në një bashkëbisedim në gjuhën franceze.

Me temë “Nga Big Bang-u te universi ynë sot”, konferenca zgjoi kërshërinë e studentëve për një nga temat më të diskutuara në fushën e astrofizikës, si teoria e Big Bang-ut, e cila është shndërruar në një nga ‘mjetet’ më të rëndësishme në studimin e origjinës së Universit. Ishte ky mjet që krijoi një lidhje midis kozmologjisë dhe fizikës. Astrofizikanti Daniel Denigri, përmes prezantimit të tij, përcolli për të pranishmit gjithë rrugëtimin historik të koncepteve fizike, zbulimet e realizuara nga Antikiteti në shekulli XXI, nga zbulimet e para të strukturës së materies në zbulimin e forcave të reja, në ato çka astrofizikanti Denigri i cilësoi si ‘energjia e zezë’. Gjatë këtij bashkëbisedimi u prekën temat dhe zbulimet më të fundit në fushën e astrofizikës, duke ndarë me të rinjtë zhvillimet më të fundit të shkencës. Kjo veprimtari u zhvillua përmes kontributit të e Ambasadës Franceze në Tiranë, në mbështetje të bashkëpunimit shkencor e universitar franko-shqiptar.