Ngjarje

Ligjëratë shkencore mbi letërsinë nga profesori gjerman Christian Frankenfeld

26 Tetor 2018



Në Sallën Gjermane të Leximit në Bibliotekën Kombëtare të Shqipërisë, në bashkëpunim me Ambasadën Gjermane në Tiranë, të premten, më datë 26 tetor, u zhvillua një takim i veçantë me profesorin gjerman të letërsisë dhe historisë moderne, prof. Christian Frankenfeld, me pjesëmarrjen e Atasheu kulturor në Ambasadën Gjermane, z. Enrico Günther, studentë të gjermanishtes, etj. Ai mbajti për të pranishmit një ligjëratë shkencore me temë “Unë nuk kam asgjë kundër Ciganëve, vetëm se ...” ku trajtoi dhe prezantoi figurën e Sintit dhe Romëve si dhe bëri një analizë të hollësishme sesi figura e tyre, herë pozitivisht e herë negativisht, është paraqitur në periudha të ndryshme të letërsisë gjermanofolëse dhe Evropës Juglindore nga autorë të ndryshëm në veprat e tyre letrare. Kjo ligjeratw shkencore u mbajt në kuadër të Tetorit Gjerman – Javët Gjermane në Shqipëri 2018 “Frymëzuar nga njerëzit“.

Prof. Christian Frankenfeld është një profesor dhe lektor i lirë që drejton workshop-e, seminare dhe trajnime në shkolla dhe universitete. Ai studioi letërsi, histori moderne dhe antropologji kulturore në Paderborn dhe Bielefeld. Ai ka mbrojtur doktoraturën në Letërsinë Moderne gjermane dhe ka dhënë mësim gjermanistikë për më shumë se dhjetë vjet në Universitetin e Paderbornit. Ai ka fituar përvojë profesionale jashtë vendit në Universitetin ELTE në Budapest dhe në Universitetin ION Creanga në Kishinau.