Ngjarje

BKSH: Zhvillohet workshop-i “Ruajtja dhe restaurimi i materialeve bibliotekare”

2-6 dhjetor 2019


 

Në Bibliotekën Kombëtare të Shqipërisë, në bashkëpunim me Ambasadën Franceze në Tiranë, në kuadër të kualifikimit të vijueshëm bibliotekar të punonjësve të sistemit kombëtar bibliotekar, nga data 2 deri më 6 dhjetor u zhvillua workshop-i me temë “Ruajtja dhe restaurimi i materialeve bibliotekare”, me pjesëmarrjen e restauratorëve dhe libërlidhësve nga Biblioteka Kombëtare e Shqipërisë, bibliotekat publike dhe ato universitare.

Punimet e workshop-it u drejtuan nga z. Thierry Aubry, përgjegjës i Qendrës së Ruajtjes dhe Restaurimit në Bibliotekën Kombëtare dhe Universitare të Strasburgut dhe pedagog në Institutin Kombëtar të Trashëgimisë në Paris.

Duke sjellë përvojën franceze, Z. Aubry, në temat i tij, u fokusua në paraqitjen e sistemit të formimit të restauratorëve në Francë, si dhe parimet kryesorë të ruajtjes dhe restaurimit të materialeve bibliotekare, kryesisht të vlerave të rralla të trashëgimisë kombëtare dhe jo vetëm. Krahas trajtesave teorike, Z. Aubry zhvilloi edhe seanca praktike, duke demonstruar raste të veçanta të ruajtjes dhe restaurimit të dorëshkrimeve, antikuarit, botimeve të shek. XVIII, etj. Gjatë seancave të trajnimit pjesëmarrësit shkëmbyen ide, si dhe diskutuan mbi problematika të ndryshme që ndeshin gjatë punës së tyre.