Ngjarje

BKSH, në Konferencën shkencore
“Bibliotekat në shekullin e 21: traditë dhe risi”

15 Nëntor 2019


 

Drejtori i Bibliotekës Kombëtare të Shqipërisë, z. Piro Misha dhe zv.drejtore e BKSH-së, Dr. Etleva Domi, morën pjesë më datë 15 nëntor 2019, në Konferencën Ndërkombëtare Shkencore “Bibliotekat në shekullin e 21: traditë dhe risi”, e cila u organizua nga Biblioteka Kombëtare e Lituanisë, “Martynas Mažvydas”, në kuadër të 100-vjetorit të themelimit të saj.

Gjatë punimeve të konferencës, e cila u ndoq nga drejtues të Bibliotekave Kombëtare evropiane dhe përfaqësues nga bibliotekat publike lituaneze, u vu theksi mbi vizionin e bibliotekave në shekullin e 21 dhe rolin kyç që ato kanë në epokën e digjitalizimit dhe inteligjencës artificiale; rëndësinë partneritetit midis bibliotekave të rajonit dhe forcimin e bashkëpunimit me institucionet edukuese dhe komunikimin me publikun; etj.