Ngjarje

75-vjetori i themelimit të gazetës “Rilindja”

12 shkurt 2020


 

Me rastin e 75-vjetorit të themelimit të një nga gazetave më të rëndësishme të shtypit shqip, “Rilindja” (1945-2002), Biblioteka Kombëtare e Shqipërisë çeli një ekspozitë me disa nga koleksionet e saj arkivore. Pas Luftës së Dytë Botërore, më 1945 themelohet në Kosovë gazeta në gjuhën shqipe “Rilindja”, gazetë politike, ekonomike, shoqërore, sportive e kulturore. Ajo u botua së pari në Prizren (12 shkurt 1945 - 16 dhjetor 1946), më pas vijoi në Prishtinë, fillimisht dy herë në javë dhe deri në vitin 1964 dilte tri herë në javë. Në vitin 1990 botimi i gazetës u ndalua nga regjimi i kohës, kurse punonjësit e saj u përpoqën të vijonin traditës e “Rilindjes” nëpërmjet gazetës “Bujku”, për të plotësuar nevojën për informimin në gjuhën shqipe. Më 18 prill 1993 “Rilindja” filloi të dalë në Tiranë, ndërkohë që botohej edhe në Zvicër dhe më pas edhe në Gjermani. Në vitin 1999 ajo u rikthye në Prishtinë, ku doli me tirazh të plotë deri në shkurt të vitit 2002.

EEkspozita do të qëndrojë e hapur për publikun në hollin e Bibliotekës Kombëtare nga data 12 deri më 17 Shkurt.