Ngjarje

Çelet në Bibliotekën Kombëtare, Pranvera e Frankofonisë në Shqipëri

2 mars 2020
Ambasadorja e Francës në Tiranë, znj. Christina Vasak, çeli të hënën, më datë 2 mars, në Sallën Franceze të Leximit në Bibliotekën Kombëtare të Shqipërisë, Muajin e Pranverës Frankofone në Shqipëri 2020, me pjesëmarrjen e Ambasadores së Greqisë në Tiranë, znj. Sophia Philippiddou, drejtorit të Bibliotekës Kombëtare, z. Piro Misha, Drejtori i Aleancës Franceze në Tiranë, Dritan Xhelili, drejtoresha e Arkivit Qendror Shtetëror të Filmit, znj. Iris Elezi, studiues, arkeologë, përkthyes, mësues të gjuhës frënge, gazetarë, etj.

Lexo më shumë »

Ekspozita “Libra të ndaluar në komunizëm” çelet për herë të parë në Bibliotekën Kombëtare

27 Shkurt 2020
Për herë të parë Biblioteka Kombëtare e Shqipërisë, në kuadër të “Muajit të Kujtesës” ,çeli të enjten, më datë 27 shkurt, një ekspozitë të veçantë kushtuar temës së librave të ndaluar për publikun gjatë komunizmit, me pjesëmarrjen e akademikëve, studiuesve, publicistë, botues, shkrimtarë, historianë, dashamirës të librit, etj. Gjatë ceremonisë së çeljes, z. Piro Misha, drejtor i Bibliotekës Kombëtareu shpreh se “është një pjesë e historisë, shumë e rëndësishme për t’u lënë në harresë, jo vetëm për qëndrimin ndaj librit, por për vetë logjikën ku mbështetej ai regjim”.

Lexo më shumë »

Ekspozitën në 160-vjetorin e albanologut Gustav Weigand

17 Shkurt 2020
Biblioteka Kombëtare e Shqipërisë çeli të hënën, më datë 17 shkurt, me rastin e 160-vjetorit të lindjes së albanologut gjerman Gustav Weigand, si një vëmendje të veçantë për kontributin e jashtëzakonshëm në studimet ballkanologjike. Kjo ekspozitë vjen për publikun edhe si një homazh ndaj gjestit sa shkencor aq edhe qytetar të Weigand-it, i cili, në vitin 1929, i dhuroi Bibliotekës Kombëtare të Shqipërisë 81 tituj të koleksionit personal albano-balkanologjik

Lexo më shumë »

75-vjetori i themelimit të gazetës “Rilindja”

12 Shkurt 2020
Me rastin e 75-vjetorit të themelimit të një nga gazetave më të rëndësishme të shtypit shqip, “Rilindja” (1945-2002), Biblioteka Kombëtare e Shqipërisë çeli një ekspozitë me disa nga koleksionet e saj arkivore. Pas Luftës së Dytë Botërore, më 1945 themelohet në Kosovë gazeta në gjuhën shqipe “Rilindja”, gazetë politike, ekonomike, shoqërore, sportive e kulturore. Ajo u botua së pari në Prizren (12 shkurt 1945 - 16 dhjetor 1946), më pas vijoi në Prishtinë, fillimisht dy herë në javë dhe deri në vitin 1964 dilte tri herë në javë

Lexo më shumë »

Biblioteka Kombëtare çel ekspozitën “Tirana 100 vjet kryeqytet”

11 Shkurt 2020
Biblioteka Kombëtare e Shqipërisë çeli të martën, më datë 11 Shkurt, ekspozitën “Tirana, 100 vjet kryeqytet” , duke përkujtuar kështu një ngjarje të rëndësishme historike për shtetin shqiptar. Përmes koleksione nga fondi i arkivës, dokumenteve dhe dëshmive historike sjell rrugëtimin patriotik dhe shpirtëror nga data e themelimit deri më sot, traditat, kulturën, historinë, arkitekturën dhe zhvillimin e Tiranës si kryeqytet. Kjo ekspozitë rikthen në vëmendje të publikut nga “Zani i ri” , organi i parë që u botua pas shpalljes së Tiranës kryeqytet, me drejtor një nga figurat e shquara të vendit, Osman Myderrizi, deri te botimet më të fundit. Gazetat dhe revistat e kohës si “Ura e Shkumbinit”, “Bisedimet e Kuvendit Kushtetues”, “Diturija”, “Hylli i Dritës”, “Shqypnija e Ilustrueme” , etj

Lexo më shumë »

Takimi “Nata e Ideve”, në Bibliotekën Kombëtare të Shqipërisë

29 Janar 2020
Në Bibliotekën Kombëtare të Shqipërisë, në bashkëpunim me Ambasadën Franceze dhe Aleancën Franceze në Tiranë, u zhvillua të mërkurën mbasdite, më datë 29 janar, takimi “Nata e Ideve”, me pjesëmarrjen e veçantë të Guillaume Faburel, studiues shkencor në Shkollën e Lartë Normale të Lionit, të Fatmir Gurit, lektor në ekonominë dhe politikat e zhvillimit rural në Universitetin Bujqësor të Tiranës, znj. Briseida Mema, korrespondente e AFP-së në Tiranë, Ambasadores së Francës, znj. Christina Vasak, Drejtorit të Bibliotekës Kombëtare, Piro Misha, si dhe pedagogë, studiues, përkthyes, studentë, etj.

Lexo më shumë »

Biblioteka Kombëtare, ekspozitë në Ditën e Kujtesës

21 Janar 2020
Biblioteka Kombëtare e Shqipërisë, në kuadër të Ditës Ndërkombëtare të Kujtesës sëviktimave të Holokaustit,çeli të hënën, datë 27 janar, ekspozitën “Hebrenjtë dhe Shqipëria”. Kjo ekspozitë vjen si njëhomazh për të kujtuar viktimat hebreje të Luftës së Dytë Botërore si edhe për të kujtuar mbrojtjen që u ofroi populli shqiptar gjatë kësaj periudhe të errët të historisë botërore. Viti 2020 shënon 75-vjetorin e mbylljes së kampit të Aushvicit.

Lexo më shumë »

Biblioteka Kombëtare, ekspozitë në përkujtim të Skënder Luarasit

21 Janar 2020
Biblioteka Kombëtare e Shqipërisë, duke pasur gjithmonë në vëmendje promovimin e vlerave më të mira të trashëgimisë kulturore kombëtare dhe personaliteteve që i japin dinjitet asaj, çeli të hënën, më datë 20 janar, një ekspozitë përkujtimore në 120-vjetorin e lindjes së shqipëruesit, publicistit, studiuesit, arsimtarit Skënder Luarasi (1900-1982).

Lexo më shumë »

Ekspozitë në 100-vjetorin e Kongresit të Lushnjes

18 Janar 2020
Biblioteka Kombëtare e Shqipërisë, me rastin e 100-vjetorit të Kongresit të Lushnjes (1920-2020), përmes një ekspozite me koleksione nga fondi i arkivës, risjell në vëmendje të publikut këtë ngjarje të rëndësishme të historisë së Shqipërisë. Koleksionet e rralla si gazeta “Albania”, “Fletorja Zyrtare”, por edhe botime, albume dhe studime si “Këshilli Kombëtar 1920” me autor Kaliopi Naska; “Kongresi Kombëtar i Lushnjës” i Engjëll Zerdelias; “Kongresi i Lushnjes (21 janar – 31 janar 1920); “Qeveria e Kongresit të Lushnjes dhe veprimtaria e saj”, “Kongresi i Lushnjes dhe lufta e Vlorës”...

Lexo më shumë »

Biblioteka Kombëtare përkujton 120-vjetorin e lindjes së Lasgush Poradecit

17 dhjetor 2019
Biblioteka Kombëtare e Shqipërisë, në 120-vjetorin e lindjes së një prej figurave më të shquara të letërsisë shqipe, Lasgush Poradeci, çeli ekspozitën “Lasgush Poradeci (1899-1987)”, duke sjellë në vëmendje të publikut dashamirës të gjithë krijimtarinë e tij të jashtëzakonshme, prej botimeve të para në shtypin shqiptar të kohës deri në botimet më të fundit të veprave të tij. Krahas veprës poetike qëndrojnë edhe shqipërime e tij mjeshtërore të lirikëve më në zë të letërsisë botërore ...

Lexo më shumë »

BKSH: Zhvillohet workshop-i “Ruajtja dhe restaurimi i materialeve bibliotekare”

2-6 dhjetor 2019
Në Bibliotekën Kombëtare të Shqipërisë, në bashkëpunim me Ambasadën Franceze në Tiranë, në kuadër të kualifikimit të vijueshëm bibliotekar të punonjësve të sistemit kombëtar bibliotekar, nga data 2 deri më 6 dhjetor u zhvillua workshop-i me temë “Ruajtja dhe restaurimi i materialeve bibliotekare”, me pjesëmarrjen e restauratorëve dhe libërlidhësve nga Biblioteka Kombëtare e Shqipërisë, bibliotekat publike dhe ato universitare.

Lexo më shumë »

BKSh, pjesë e aktiviteteve në Ditën Botërore të Filozofisë

16 nëntor 2019
Biblioteka Kombëtare e Shqipërisë mori pjesë të shtunën, më datë 16 nëntor, në Konferencën Shkencore Ndërkombëtare me temë: “Elitat me mendim dhe platforma idesh, jetamendonjëse dhe debati për projektimin e shqiptarit dhe Shqipërisë në prosperitet. Mendimtarët shqiptarë të viteve ‘20-’30 të shekullit të XX”, organizuar nga Departamenti i Filozofisë dhe i Shkencave Politike, Fakulteti i Shkencave Sociale (UT), në Ditën Botërore të Filozofisë të shpallur nga UNESCO.

Lexo më shumë »

BKSH, në Konferencën shkencore “Bibliotekat në shekullin e 21: traditë dhe risi”

15 Nëntor 2019
Drejtori i Bibliotekës Kombëtare të Shqipërisë, z. Piro Misha dhe zv.drejtore e BKSH-së, Dr. Etleva Domi, morën pjesë më datë 15 nëntor 2019, në Konferencën Ndërkombëtare Shkencore “Bibliotekat në shekullin e 21: traditë dhe risi”, e cila u organizua nga Biblioteka Kombëtare e Lituanisë, “Martynas Mažvydas”, në kuadër të 100-vjetorit të themelimit të saj...

Lexo më shumë »

Bibliotekarë nga Presheva vizitojnë Bibliotekën Kombëtare të Shqipërisë

15 nëntor 2019
Bibliotekarë nga Biblioteka Publike “Mehmet Jusufi” në Preshevë vizituan të enjten, më datë 15 nëntor, Bibliotekën Kombëtare të Shqipërisë. Gjatë kësaj vizite bibliotekarët nga Presheva shfaqën interes të veçantë të njihnin historikun e krijimit të Bibliotekës Kombëtare të Shqipërisë dhe veprat më të çmuara e trashëgiminë kulturore të shkruar që ruhet në arkivin e saj. Vëmendjen e tyre e tërhoqi historia e shkrimit dhe botimeve shqipe, identitetit dhe kulturës së kombit shqiptar, prej Mesharit të Buzukut (1555), riprodhuar...

Lexo më shumë »

Prezantohet botimi anastatik i gazetës “Lirija”, themeluar nga Mid’hat Frashëri

12 nëntor 2019
Biblioteka Kombëtare e Shqipërisë dhe Fondacioni Kulturor ALSAR prezantuan të martën, më datë 12 nëntor, në Fakultetin e Historisë dhe Filologjisë, botimin anastatik të gazetës “Lirija” (1908-1910), themeluar e botuar nga Mid’hat Frashëri, me pjesëmarrjen e studiues, gjuhëtarë, historianë, akademikë, pedagogë, studentë, etj. Në një lexim interdisiplinar i studiuesve të Mid’hat Frashërit dhe pedagogëve të Fakultetit të Historisë dhe Filologjisë, që 110 vjet mbas botimit të gazetës “Lirija”, e shyrtojnë atë si një dokument sa historik ...

Lexo më shumë »

Forum mbi poezinë e zgjedhur të Paul Celan, në Bibliotekën Kombëtare

7 nëntor 2019
Në Sallën Gjermane të Leximit, në Bibliotekën Kombëtare të Shqipërisë, u zhvillua të enjten pasdite, më datë 7 nëntor, forumi “Paul Celan : Flokëboret e zeza” me rastin e botimit të përkthimit të veprës nga Botimet IDK, me pjesëmarrjen e veçantë të përkthyesit Agron Tufa dhe Prof. Dr. Persida Asllani, si dhe studiues, përkthyes, studentë, etj. Poezitë e Celan, të cilat vijnë të shqipëruara mjeshtërisht nga poeti dhe studiuesi Agron Tufa, shenjojnë fillesën e epokës së re të poezisë së gjuhës gjermane.

Lexo më shumë »

BKSH, në Konferencën Vjetore të Bibliotekave Kombëtare të Evropës Juglindore

20-23 Tetor 2019
Drejtori i Bibliotekës Kombëtare të Shqipërisë, z. Piro Misha, mori pjesë në Konferencën Vjetore të Drejtorëve të Bibliotekave Kombëtare të Evropës Juglindore (SEENL-i), që u zhvillua në Sofje të Bullgarisë, në datat 20-23 tetor 2019. Tema bosht e konferencës ishte “Dorëshkrimet në koleksionet e Bibliotekave Kombëtare të vendeve të Evropës Juglindore”.

Lexo më shumë »

Një rrëfim mbi përkthimin e shkrimtares austriake Jutta Triber

17 tetor 2019
Në Sallën Gjermane të Leximit në Bibliotekën Kombëtare të Shqipërisë, në kuadër të nismës së inicuar nga Ministria e Kulturës, “Tetori I Librit”, të enjten pasdite, më datë 17 tetor, u zhvillua takimi i radhës i Klubit të leximit të letërsisë gjermanofone, duke sjellë në vëmendje të publikun romanin e shkrimtares së njohur austriake, Jutta Treiber me titull “E përdhunuara”, me pjesëmarrjen e veçantë të përkthyeses së romanit, Admira Poçi, si dhe përkthyes, studiues, pedagogë, studentë dhe dashamirës të letërsisë gjermanofone.

Lexo më shumë »

BKSH, pjesë e veprimtarive në 70-vjetorin e vendosjes së marrëdhënieve diplomatike midis Shqipërisë dhe RP të Kinës

11 tetor 2019
Biblioteka Kombëtare e Shqipërisë, në bashkëpunim me Akademinë e Shkencave të Shqipërisë, Universitetin e Gjuhëve të Huaja të Pekinit, Shtëpinë Botuese të Librit Universitar dhe Kërkimor – Pekin dhe Shoqatën Kulturore Kinë-Shqipëri, çelën të premten, më datë 11 tetor, veprimtaritë kulturore në kuadër të 70-vjetorit të vendosjes së marrëdhënieve diplomatike midis Shqipërisë dhe RP të Kinës

Lexo më shumë »

BKSH : zhvillohet workshopi “Impakti i teknologjive të reja në biblioteka dhe në lexim”

9-10 tetor 2019
Në Bibliotekën Kombëtare të Shqipërisë, në bashkëpunim me Ambasadën Franceze në Tiranë, në kuadër të kualifikimit të vijueshëm bibliotekar të punonjësve të sistemit kombëtar bibliotekar, u zhvillua më datë 9 dhe 10 Tetor workshopi dy-ditor me temë “Impakti i teknologjive të reja në biblioteka dhe në lexim”

Lexo më shumë »

Seminar mbi psikanalizën frojdiane në Bibliotekën Kombëtare

4 tetor 2019
Në Sallën Franceze të Leximit në Bibliotekën Kombëtare, në bashkëpunim me Rrethin Lakanian Shqiptar, ditën e premte, më datë 4 Tetor, u zhvillua seminari mbi psikanalizën frojdiane me temë “Fëmija i ndërlidhur” , me pjesëmarrjen e veçantë të dr. DanielRoy, psikanalist në Bordeaux dhe anëtar i Shoqatës Botërore të Psikanalistëve, si dhepsikanalistë, psikologë, studentë, etj. Gjatë këtij seminari, dr. Roy u ndal në “raportin që po krijojnë fëmijët dhe adoleshentët e këtij shekulli me pajisjet elektronike”, duke nxitur një temë diskutimi sa të prehtë aq edhe të ndjeshme si për prindërit dhe edukatorët ashtu edhe për psikologët.

Lexo më shumë »

Biblioteka Kombëtare, pjesë e aktiviteteve në muajin e leximit “Tetori i librit”

3 tetor 2019
Biblioteka Kombëtare e Shqipërisë, iu bashkua nismës me moton “Lexo shqip” e ndërmarrë nga Ministria e Kulturës në kuadër të aktiviteteve të shumta kulturore që do të zhvillohen përgjatë këtij muaji, i shpallur edhe si “Tetori i librit”. Përmes një takimi të veçantë me personalitete të kulturës, shkrimtarë, botues, studiues, përkthyes, gazetarë, etj., Ministrja e Kulturës, znj. Elva Margariti, çeli të mërkurën, më datë 3 tetor, fushatën e leximit “Dhuro, gjej, lexo”, e cila synon të nxisë drejt leximit brezin e ri.

Lexo më shumë »

Bibliografia e përkthimeve në Shqipëri 2018, tashmë online

30 shtator 2019
Biblioteka Kombëtare e Shqipërisë, në kuadër të Ditës Kombëtare të Trashëgimisë Kulturore dhe të Ditës Ndërkombëtare të Përkthimit, 29 dhe 30 shtator, prezanton publikimin online në faqen zyrtare të BKSH-së ( www.bksh.al ) të INDEX TRANSLATIONUM 2018, që përbën Bibliografinë e përkthimeve në Shqipëri për këtë vit. Bibliografia e përkthimeve në Shqipëri në vitin 2018 përmban 606 tituj dhe përbën një ndihmesë të madhe për studiues, përkthyes dhe lexues. Shqipëria si vend anëtar i UNESCO-s, prej vitit 1969, kontribuon në Index Translationum me bibliografinë e botimeve të përkthyera brenda kufijve të saj shtetërorë.

Lexo më shumë »

Klubi i leximit i letërsisë gjermanofone sjell shkrimtarin austriak Robert Menasse

26 shtator 2019
Në Sallën Gjermane të Leximit në Bibliotekën Kombëtare, në kuadër të Klubit të Leximit të Letërsisë gjermanofone, të enjten pasdite, 26 shtator, u zhvillua takimi letrar me një nga emrat më të njohur të letërsisë bashkëkohore austriake, Robert Menasse, fitues i çmimit “Deutscher Buchpreis” (2017). Në këtë takim morën pjesë z. Piro Misha, Drejtor i Bibliotekës Kombëtare të Shqipërisë, Ambasadori austriak, z. Christian Steiner, si dhe përkthyes, studiues, pedagogë, studentë dhe dashamirës të letërsisë gjermanofone.

Lexo më shumë »

Ministrja e Kulturës, Elva Margariti, prezanton z. Piro Misha në postin e drejtuesit të Bibliotekës Kombëtare

02 shtator 2019
Më datë 2 shtator 2019, në mjediset e Bibliotekës Kombëtare, Ministrja e Kulturës znj. Elva Margariti, prezantoi z. Piro Misha në postin e drejtuesit të institucionit duke shprehur kënaqësinë që, me z. Misha, - një personalitet të letrave shqipe, prej eksperiencës dhe urtësisë së të cilit institucioni do të përfitojë, - do ta çojnë Bibliotekën Kombëtare drejt një faze të re.

Lexo më shumë »

Mesazh falenderimi për Bibliotekën Kombëtare

11 korrik 2019
Të nderuara punonjëse e punonjës të Bibliotekës Kombëtare,
ndonëse jam e vetëdijshme se rrugëtimi ynë i përbashkët profesional e njerëzor nuk do të ndalet me të vërtetë këtu, e ndjej të domosdoshme t’ju drejtohem me këtë mesazh mirënjohjeje në emër të vlerësimit që kam ushqyer për Ju që në ditën e parë të detyrës sime si drejtuese e Bibliotekës Kombëtare të Shqipërisë...

Lexo më shumë »

Ministrja e Kulturës, Elva Margariti, ndan me fëmijët nismën “Mos e harro librin e pushimeve!”

14 qershor 2019
Në Bibliotekën Kombëtare të Shqipërisë, ditën e premte, më datë 14 qershor, Ministrja e Kulturës, znj. Elva Margariti u takua me fëmijët që dhuruan libra për Bibliotekën e Shkollës së Bashkuar të fshatit Kasallë si dhe ndau me ta nismën: “Mos harro librin e pushimeve”. Ajo i falënderoi fëmijët për nismën e bukur dhe solidaritetin me bashkëmoshatarët e tyre. Ministrja e Kulturës, Elva Margariti, së bashku me drejtoreshën Persida Asllani, u lexuan fëmijëve libra nga “biblioteka fëminore”...

Lexo më shumë »

Forum në Bibliotekën Kombëtare : “Botimet shqipe në Malin e Zi"

6 qershor 2019
Biblioteka Kombëtare e Shqipërisë, në bashkëpunim me Entin e Teksteve dhe Mjeteve Mësimore të Malit të Zi, zhvilloi ditën e enjten, më datë 6 qershor, Forumin “Botimet shqipe në Malin e Zi” , me praninë e të ftuarit të nderit, akademikut dhe poetit Pavle Goranoviq, njëkohësisht drejtor i këtij Enti, me praninë e Ambasadorit të Republikës së Malit të Zi në Tiranë, z. Dusan Mrdovic, si dhe pjesëmarrjen e studiuesve, poetëve, studentëve dhe mediave.

Lexo më shumë »

Amësia politike dhe mobilizimi i grave në Kosovë, në “Përthyerje Antropologjike”

31 Maj 2019
Në Bibliotekën Kombëtare të Shqipërisë, në bashkëpunim me Institutin e Antropologjisë Kulturore dhe Studimit të Artit, u zhvillua të premten, më datë 31 maj, seminari “Përthyerje antropologjike” me pjesëmarrjen Dr. Linda Gusia, lektore në Departamentin e Sociologjisë në Fakultetin Filozofik, Universiteti i Prishtinës, e cila trajtoi temën studimore “Amësia politike dhe mobilizimi i grave në Kosovë”, me pjesëmarrjen e studiuesve, antropologëve, etnografëve, studentëve, etj.

Lexo më shumë »

“Klubi i leximit i letërsisë gjermanofone” sjell shkrimtaren Sandra Hoffmann

18 Maj 2019
“Klubi i leximit i letërsisë austriake” në Bibliotekën Kombëtare vijoi të shtunën pasdite, më 18 maj, me rrëfimin dhe përjetimet e shkrimtares bashkëkohore gjermane, Sandra Hoffmann, mbi romanin e saj autobiografik “Paula”, sjellë në shqip mjeshtërisht nga përkthyesi Sokol Mici dhe botimet Poeteka. Në këtë takim të veçantë me shkrimtaren morën pjesë studiues, përkthyes, studentë të gjuhës gjermane, tashmë ndjekës të rregullt të këtij klubi leximi.

Lexo më shumë »

Trashëgimia kulturore e Kosovës, në seminarin “Përthyerje antropologjike”

26 Prill 2019
Në Bibliotekën Kombëtare të Shqipërisë, në bashkëpunim me Institutin e Antropologjisë Kulturore dhe Studimit të Artit (IAKSA), u zhvillua të premten, më datë 26 prill, seminari “Përthyerje antropologjike” me pjesëmarrjen e Prof. asoc. Dr. Florina Jerliu, lektore në Universitetin e Prishtinës “Hasan Prishtina”, e cili trajtoi temën studimore “Trashëgimia kulturore e Kosovës:koncepte dhe kontekste të mbrojtjes”, si dhe me pjesëmarrjen e studiuesve, antropologëve, etnografëve, studentëve, etj.

Lexo më shumë »

Biblioteka Kombëtare çel aktivitetet kremtuese në Ditën Botërore të Librit dhe të Drejtës së Autorit

23 - 26 Prill 2019
Biblioteka Kombëtare e Shqipërisë çeli të martën, më datë 23 prill, Javën e veprimtarive kulturore që do të zhvillohen në kuadër të Ditës Botërore të Librit dhe të Drejtës së Autorit, përmes takimit të Ministres së Kulturës, znj. Elva Margariti, me specialistët e Bibliotekës Kombëtare. Duke i shprehur mirëseardhjen në emër të të gjithë stafit të Institucionit qendror të librit në vend, drejtoresha Persida Asllani shprehu nevojën për një bashkëpunim sa më të koordinuar ndërinstitucional në mbështetje të Bibliotekës Kombëtare...

Lexo më shumë »

Biblioteka Kombëtare e Shqipërisë pjesëmarrëse në Javën e Bibliotekave në Kosovë

10-14 prill 2019
Biblioteka Kombëtare e Shqipërisë mori pjesë në edicionin e XVII-të të Javës së Bibliotekës, organizuar nga Biblioteka Kombëtare e Kosovës “Pjetër Bogdani”, me pjesëmarrjen e Ministrit të Kulturës, Rinisë dhe Sporteve, z. Kujtim Gashi, Kryetari i Parlamentit të Kosovës, z. Kadri Veseli, rektori i Universitetit të Prishtinës...

Lexo më shumë »

Dita Ndërkombëtare e Librit për Fëmijë në Bibliotekën Kombëtare

2 prill 2019
Nxënës të klasës së 2-të të shkollës 9-vjeçare “Mihal Grameno” në Tiranë lexuan së bashku me drejtoreshën e Bibliotekës Kombëtare, Persida Asllani, libra nga biblioteka fëminore, përmes një atmosfere ilustruese nga bota e përrallave dhe librit, si dhe me personazhet letrarë më të njohur e të dashur për fëmijë. Në këtë takim me miqtë e vegjël të librit, zhvilluar në kuadër të 2 Prillit, Ditës Ndërkombëtare të Librit për Fëmijë, drejtoresha e BKSH-së i ftoi fëmijët të zbulojnë...

Lexo më shumë »

Ekokultura në seminarin “Përthyerje antropologjike”

29 mars 2019
Në Bibliotekën Kombëtare të Shqipërisë, në bashkëpunim me Institutin e Antropologjisë Kulturore dhe Studimit të Artit, u zhvillua të premten, më datë 29 mars, seminari i XXII-të “Përthyerje antropologjike” me pjesëmarrjen e veçantë të studiuesit prof. as. dr. Shemsi Krasniqi, pjesë e Departamentit të Sociologjisë të Fakultetit Filozofik të Universitetit të Prishtinës, i cili trajtoi temën studimore “Ekokultura - ripërfytyrim i natyrës në kulturën tradicionale”, si dhe me pjesëmarrjen e studiuesve, antropologëve, etnografëve, studentëve...

Lexo më shumë »

Takim me shkrimtarin francez Cédric Gras në Bibliotekën Kombëtare

27 mars 2019
Në Sallën Franceze të Leximit në Bibliotekën Kombëtare të Shqipërisë, në bashkëpunim me Aleancën Franceze në Tiranë, në kuadër të aktiviteteve të Pranverës së Frankofonisë 2019 në Shqipëri, të mërkurën pasdite, më datë 27 mars, u zhvillua takimi letrar me shkrimtarin francez Cédric Gras, me pjesëmarrjen e Ambasadores së Francës, znj. Christina Vasak, shkrimtarë, studiues, studentë dhe nxënës frankofonë, etj. I pasionuar ...

Lexo më shumë »

Biblioteka Kombëtare dhe Fondacioni ALSAR nënshkruajnë marrëveshje për dy botime të reja studimore dhe anastatike

25 mars 2019
Bashkëpunimi i suksesshëm mes Bibliotekës Kombëtare të Shqipërisë dhe Fondacionit Arsimor Kulturor Humanitar - ALSAR, që zuri fill me përgatitjen dhe botimin anastatik të revistës “Diturija” të Lumo Skëndos (pseudonimi letrar i Mid’hat Frashërit), pikërisht në vitin e kthimit të eshtrave të tij në atdhe dhe në kuadër të kremtimeve të 110-vjetorit të Kongresit të Manastirit, po vijon edhe me angazhime të mëtejshme mes tyre, duke mundësuar, përmes marrëveshjesh të reja, botime të natyrës studimore ose riprodhuese (anastatike), të cilat do të lejojnë thellimin e dijeve tona mbi autorin, veprën dhe kontributin e jashtëzakonshëm të tij, ende të pa ndriçuar sa duhet.

Lexo më shumë »

Mes leximit të poezive dhe muzikës së zgjedhur përmbyllet Klubi i Leximit të Letërsisë Austriake

2 shkurt 2019
“Klubi i leximit i letërsisë austriake” mblodhi të shtunën paradite, më datë 2 shkurt, në Sallën Gjermane të Leximit në Bibliotekën Kombëtare të Shqipërisë në një takim përmbyllës mes leximit të poezisë dhe muzikës së zgjedhur poetë, përkthyes, artistë, pedagogë, nxënës, studentë, si dhe të ftuarit e veçantë Ambasadorin e Austrisë në Shqipëri, z. Johann Sattler, aktorin Dritan Boriçi si dhe kantautorin e mirënjohur Kujtim Prodani.

Lexo më shumë »

Takimi “Mbrëmja e Ideve”, në Bibliotekën Kombëtare të Shqipërisë

31 janar 2019
Në Bibliotekën Kombëtare të Shqipërisë, në bashkëpunim me Ambasadën Franceze në Tiranë, u zhvillua të enjten mbasdite, më datë 31 janar, takimi “Mbrëmja e Ideve” me pjesëmarrjen e Ambasadores së Francës, znj. Christina Vasak, të ftuarin e veçantë, z. Frédéric Petit, deputet i qarkut të 7-të të francezëve që jetojnë jashtë Francës, znj. Pauline Couteau, pedagoge e filozofisë në Universitetin e Bourgogne, z. Mark Marku, shef i departamentit të Gazetarisë dhe të Komunikimit në Universitetin e Tiranës, znj. Briseida Mema, korrespondente...

Lexo më shumë »

Praktikat e diasporës shqiptare, në seminarin “Përthyerje antropologjike”

25 janar 2019
Në Bibliotekën Kombëtare të Shqipërisë, në bashkëpunim me Institutin e Antropologjisë Kulturore dhe Studimit të Artit (ISKA), ditën e premte, më datë 25 janar, u zhvillua seminari “Përthyerje Antropologjike” me pjesëmarrjen e veçantë të studiueses nga Kosova dr. Lumnije Kadriu, e cila prezantoi studimin me temë “Pushimet, familja, vendlindja në praktikat e diasporës shqiptare të Kosovës”, si dhe me pjesëmarrjen e studiuesve, antropologëve, etnografëve, studentëve, etj.

Lexo më shumë »